大組閣真係大組閣, 真係將各團所欠缺或重疊既成員屬性重新分配, 實力亦不至於大傾斜於某隊, 對呢次組閣排陣, 我覺得唔錯, 起碼好多成員都會有機會。
先說 AKB48
TEAM K:
自從本屬 TEAM K 既大島優子 YUKO, 宮澤佐江小帥 SAE 同大帥秋元才加畢業離隊, TEAM K 全團即碎, 呢次加入前 TEAM A 隊長橫山由依 YUI 及將三銃士之首小嶋真子大頭升格, 再加上兼任既 SKE ACE 小松井珠理奈及 NMB ACE 山本彩彩姐, 呢一步棋優點極大!
小嶋真子從 TEAM 4 拆出黎令原本 TEAM 4 其他成員有多點資源, 畢竟之前三銃士盡取 TEAM 4 資源對整體成長不太好, 正好真子上 TEAM K "單飛" 成長接棒, 有一定效益!
山本彩 NMB ACE 兼任 TEAM K, 本身彩姐屬性跟優子相近, 歌舞力強亦跟 TEAM K 相符, 以彩姐人氣係有力吸收唔少優子飯, 觀乎彩姐 5 專竟然同優子同時完賣証明佢既能力, 相信幫補到優子離隊失去部分既銷量, 這個對保"百萬"銷量很重要既一環!
橫山由依喺前 TEAM A 跟總監督學習既領導能力, 移去 TEAM K 亦有用武之地, 以其資歷亦足以鎮守 TEAM K。配合副隊長鰻魚北原里英, 太田雙膽, 完美配搭吧!
松井珠理奈繼續兼任絕對是明智! 要將佢完全脫離 SKE 移籍到 AKB 未係時候, 因為 SKE 完全未有接班, 繼續兼任可攻可守, 秋元康一定會讓太子繼續招人氣直至 AKB SKE 飯完全馴服先比佢登基, 何況小松井年紀尚小大把日子!
TEAM A:
高橋南南哥總監督做 TEAM A 隊長深慶得人, 營運新推上主持路線既中村麻里子做副隊長亦合理; 川榮係秋元康既暗/明推既未來 TOP 川榮在 TEAM A 亦唔意外!
事先多次張揚移籍即畢業既 PARURU 島崎遙香唔可以郁動太多之下只能 A,K,B內轉, 加上 35單暗示 36單 PARURU 係 CENTER, 加入"精英班" 亦正常部署, 比較意外既係優子指名既優魂繼承武藤十夢唔係留守 TEAM K 而直入 TEAM A! 除左 NMB 矢倉楓子及 SKE 古畑奈和一向兼任外;
新 HKT 兼任 SAKURA 宮脇咲良開心了, 秋元康對年紀小小既 SAKURA 一向留意, 其屬性有柏木 IDOL 屬性亦正係 TEAM 所欠, 入 TEAM A 作未來接棒也不錯!
小嶋陽菜上哂神台, 回歸 A 畢業? 亦不會有太大反對之聲吧! 有趣既 HKT 成員中西智代梨代理移籍去 TEAM A, 相信係因為佢既綜藝力 HKT 既 村重杏奈明太子同谷真理佳八人口太相似, 指原將佢地三個拆開避免 HKT 自己鬼打鬼, 放去其他姐妹團係出路! 很好既決定!
TEAM B:
以整體實力黎講, TEAM B 很厲害, 母女柏木由紀天氣同渡邊麻友 MAYUYU 又走在一齊, 那個連携威力好大不用解說了;
新兼任 HKT 既 MIO 朝長美桜屬性跟 TEAM B IDOL 力相似, 加上傳說能為AKB續命十年之成員大和田南那常務, 那吸引力是新舊飯通殺! 新戰力有小松井外型既話題新人綜藝小孩横島亜衿加入, TEAM B 同 NMB 最強綜藝成員小笠原茉由麻球, 連本來最弱一環既綜藝力都提升, 最後再來一個前乃木坂46 CENTER 少年生駒里奈 CROSS, 總括而言, 撇開跳舞力來說, 個人認為係三隊之中實力最強!
TEAM 4:
最有趣之處係本來 SKE 新 TOP 木崎ゆりあ圓面小丸子會留守 TEAM S 好好成長, 但是完全移籍 AKB 也不錯, 始終喺 SKE 同小松井直接交鋒最終一定被分薄資源, 而且買面 YURIA 早就暗示想去東京發展, 正合心意吧!
我對 TEAM 4 無太大意見, 上年峯岸みなみ MI CHAN 犯天條走指原舊路, 只希望佢好好將功補過, 我留意到指原係以帶起 HKT 成員既優點為目標, 亦唔會將鏡頭焦點盡攬所以成功, 但最近的 TEAM 4 節目看起來.....hm...且看 MI CHAN 可唔可以好似指原咁帶起 TEAM 4? 現在 TEAM 4 不再局限於三銃士, 其他成員爭取上位是最後機會了!
SKE48
TEAM S:
大將宮澤佐江小帥 SAE 回歸! 估唔到唔係 AKB TEAM K, 而係 SKE TEAM S, 仲要空降 CAPTAIN, 實在出奇不已! 佢跳舞力強跟 SKE 無違和感, 加上人緣好, 相信 SKE 成員亦願意接受是大先輩, 畢竟融入 SKE 比 NMB 或本部難得多;
北川綾巴 08 升格 TEAM S 係指料之內, 但係新來兼任既成員真係驚喜: NMB 渡邊美優紀迷路姬呢一著真係絕, 美優紀既釣師屬性同吸飯吸金能力喺之前兼任 AKB 時可見一班, 呢次亦彌補 TEAM S 欠釣師既屬性, 對保持甚至提高 SKE 停滯不前既 SINGLE 銷量一定大有幫助! 洗牌後 SKE 全團有三大握手會鐵膽 (大松井, 須田, 美優紀), 飯又要賣腎吧!
另外由 AKB 移籍既岩田華怜同山内鈴蘭蘭蘭, 我不碓定完全移籍用意在那, 或者二人喺 AKB 到達樽頸希望放手一搏? 至於來自 HKT 兼任既田中菜津美 BOSS, 真的萬料不到! 年紀小小有身型既 BOSS 未定 CHARACTER, 但可塑性甚高, 如果唔係指原唔會外放比佢學習吧!
TEAM K2:
當我聽到高柳明音鳥姐既隊長一職由古川愛李代替, 都心知鳥姐一定有異動, 原來係兼任 NMB, 呢個絕對係好事, 放鳥姐開拓難波市場, 學習多點綜藝力, 對擴大飯群至大阪同曝光亦係好事, 畢竟 K2 成員人數多又多元化, 做 LEADER 領導需要全心全意! 愛李成熟相信做隊長亦稱職!
副隊長大場美奈由 AKB 完全移籍, 很厲害! 上年兼任能成功由 AKB 融入軍隊般既 SKE 同為名古屋飯接受不是易事, 與其喺 AKB 爭櫈仔, 不如喺 SKE 全程投入, 這次拿到支好簽了! NMB 山田菜菜菜嬸兼任好似跟 SKE 有點違和感, 不過 K2 咩類型成員都有, 或許衝擊下有化學作用? 如果將菜菜長留 NMB, 相信佢真係會將曾經談及巡回後畢業一事向營運正式提出啊!
TEAM E:
須田亜香里崩卡代替松井玲奈做隊長係好事, 大松井外務潛身隊長一職形同虛設, TEAM 內成員都有暗示過; 而且大松井既能力在於吸飯, 我曾經神推玲奈, 發現佢同指原有兩種極端能力, 指原係吸引觀眾眼球但會因為其平庸而轉向留意其他成員; 玲奈既能力係佢有一種吸引觀眾注意力而令迷到對方既能力, 所以將玲奈加入乃木坂46兼任爭取 RIVAL 市場亦係一步好棋! 唔會減少玲奈工作資源但又對 SKE 整體有益! 另外, 來自HKT 既八人口谷真理佳去 TEAM E 攪笑應該會令沉靜好耐既 TEAM E "熱鬧" 起黎, 可能會好有趣! 至木本花音兼任 HKT 下段再談。
TEAM N:
我家山本彩彩姐不動在 TEAM N, 兼任 AKB TEAM K 好處上文提及, 彩姐來盡情地吸收大阪東京的飯吧! TEAM N 安排最驚喜係 AKB 柏木由紀去 NMB 兼任, 超有趣!!! 暫時我諗唔到太多, 只能諗到 D 雜誌會不得了...柏木屬性相配啊! 從來只有姐妹團大 TOP 郁動, 今次 AKB 動大 TOP, 期待那化學作用!
另外, DRAFT 期待之新人須藤凛々花終於要來了, 此妹外型可愛吸飯是一定的, 我已經準備好了! (笑) 而 AKB 移籍美顏菊地菊地あやか始料不及...既然柏木來了, 迷路姬就要另有任務了! 美優紀轉 TEAM 一事下段再談。
TEAM M:
最觸目既係城恵理子JO升格, 秋元康一而再再而三唔放棄 JO, TEAM M 無大將係一個建立王朝既好機會! 不是說山田菜菜不是 TOP, 只是 TEAM 內始終要年青的接棒呢! 另外 白間美瑠 MIRURU 同矢倉楓子楓子中堅, 加上新來投既藤江れいな雷娘, 仲有開始發揮綜藝力既木下百花同石塚朱莉, 亦會令 TEAM M 比以前增加亮點!
TEAM B2:
由 AKB 發表至 SKE 都未聽到梅田彩佳名字, 終於去到 B2 出現了! 梅田屬性未必係最耀眼一個成員, 但係有佢在場既一隊實力一定好穩定。梅田係 AKB 既元老, 與其喺 AKB 浮沉到最後急流勇退, 不如運用多年經驗培訓其他隊, NMB TEAM B2 好需要有大先輩帶隊, 今次完全移籍也是一件光榮事!
而且有新加入戰力: 渡邊美優紀迷路姬, SKE 高柳明音鳥姐兼任, 完全移籍既市川美織檸檬, 新血 渋谷凪咲 NAGISA 及藪下柊, 牌面已經比以前強左好多! 絕對有力發圍!
TEAM H & K4:
指原莉乃指皇手執靚牌, 而且有權力, 帶住秋元康第二粒原石田島芽瑠MERU, 兩個小朋友なこみく 矢吹奈子同田中美久, 基本上埋哂班, 再將之前重疊屬性既成員打散分佈本 TEAM H / K4 及姐妹團, 團內成員各有特色減少衝突, 實力平均而不會失衡, 走回 SKE NMB 權力盡攬於 TOP 身上既情況, 成員雖然年紀小, 但定位先走蘿莉形象團隊形象好清晰, 按呢個進度成長下去, 當成員成年時就係全盛之時!
而兒玉遥 HARUPI 繼續兼任 AKB 村重杏奈去 NMB 學綜藝力, 亦有來自 SKE 既木本花音 "半蘿莉" 交流, 相信亦會有進無退! 今次組閣指原無宣佈回歸 AKB 是明智之舉, 名義上根本就唔駛 OFFICIAL 回巢, 好多飯都明白指原既身份, 最緊要指原繼續交到貨, 培育 HKT 既同時亦作為 AKB 既選拔而努力就可以!
總結: 今次果然係一場大組閣, 聽 LIVE 時心血少 D 都暈低! 全團大兜亂, 小弟作為每團推一兩個甚至三四個既 DD :D, 其實影響唔大, 我都係繼續買碟同睇住成員們既成長!
希望彩姐, 鳥姐, 指原, PARURU, 檸檬, 十夢等...可以繼續努力啊! 玲奈都係! :P
0 意見:
張貼留言